《散步》是由王榆鈞作詞、作曲並演唱的歌曲，於2024年5月21日發行。
基本介紹
- 中文名：散步
- 所屬專輯：靜寂寂
- 填詞：王榆鈞
- 譜曲：王榆鈞
歌曲歌詞
行過細漢日迌時厝邊的巷仔口
行過青春時代
戀愛的咖啡廳電影院
行過後來定定走傱的病院
練習新的生活
夜夜思念的人
哪會越頭就無看
你慢慢 慢慢變成一款色水
佮樹仔同款的色水
風景佇水面頂
蒙蒙渺渺的媠
就親像較早咱踅過的足濟所在
全部的風景攏變成這款
茫茫的影
疊疊佇頂面
疊疊佇頂面
看起來真媠
夜夜思念的人
哪會越頭就無看
你漸漸 漸漸
變成一款聲音
親像流過的水聲
日時也行 暗時也行
有時日頭真鑿目
有時月娘溫純來做伴
我定定佇河邊散步
看別人釣魚
合家出來耍
毛狗仔
有時有濟濟人咧開講
有真濟人真濟人
想你的時陣
我就徛佇河邊
看霧霧的風景
閣有你的笑容
慢慢 慢慢攏變成一款音聲
親像一直一直流過的河水
是遐爾好聽的音聲
就親像一直一直流過的河水
是遐爾好聽的音聲
想你的時陣
我就徛佇河邊
看霧霧的風景
佮你的笑容
就慢慢 慢慢
慢慢變成
一直一直流過的河水
