《高雄印象》是王昭華演唱的歌曲，由王昭華作詞作曲，收錄於《王昭華首張台語創作專輯》專輯中。
基本介紹
- 中文名：高雄印象
- 所屬專輯：王昭華首張台語創作專輯
- 歌曲原唱：王昭華
- 填詞：王昭華
- 譜曲：王昭華
歌曲歌詞
飛行機越出海 欲踅轉頭 切過大港口 準備欲降落了
海面貼真近 船隻劉出白涌 水光閃閃熠熠 予阮目睭剔袂金
唔 唔 細漢的彼班火車 嘛駛返頭 躦入月台邊 準備欲下車了
樓仔厝貼真密 車輛吐出烏煙 日頭赤赤焰焰 曝甲阮烏暗眩
唔 唔 大路頂的風飛沙 椰子樹sah sah sah
六合路的夜市仔 拄煎好的牛排chih chih chih chih
人佮人貼真偎 熱情搏出心肝
月娘茫茫霧霧 愛去到西仔灣才看有
夜色深沉的西仔灣 海水輕輕咧歇喘
若像恬恬蓋著烏絨仔布 亂亂掖珍珠佮鑽石
夜色茫淼的打狗港 船隻來來去去無困夢
一葩一葩金金的燈仔火 看顧港都的希望
我的阿姐的青春 從做查某囡仔就佇加工區
國小仝班的阿立仔 賣RO飲水機拼業務
姐夫替人牽水電 佇新起的大樓扒起扒落
親家較早咧拆船 食老踮厝罔騙孫
唔 唔 第一擺坐火車 第一擺過高屏鐵橋
第一出外國電影 第一擺坐吊籃
第一擺踅百貨公司 第一擺食著炸雞
第一擺飲著 遐呢歹飲的自來水 攏是佇即咧城市
