基本介紹
歌曲歌詞
Intro
若問我可有想過失去的滋味
如需倒下 重生可以嗎
若問我 可有經過傷痛與失敗
如天塌下 何必只記舊傷疤
Chorus
試過去追 追趕這差距
試過後退 不可以失去
試過面對 不須記憂慮
無須怕
一直為夢想去奮鬥
一直為理想去追求
同現實搏鬥 系一場生死斗
到最後 一失敗 我注定失去所有
我嘅結局 由勝負去左右
成王定敗寇 勝利定敗走
我放手 等夢想偷偷流走
失敗嘅我 失去堅守信念嘅理由
一早知 付出同收穫唔成正比
犧牲 系追夢嘅必備
我犧牲一切 到最尾
無法同目標拉近距離
實現夢想 仍然遙遙無期
我嘅生命充滿各種失敗
我自問都算努力不懈
我大惑不解 一切嘅挫敗
系咪上天有意嘅告誡 所以刻意安排
Chorus
試過去追 追趕這差距
試過後退 不可以失去
試過面對 不須記憂慮
無須怕
經過幾年嘅艱辛
經歷過苦困 仍然默默耕耘
曾經賞識我天份嘅人
都紛紛 對我開始失去信任
冇人會再相信我會做到成績
即使我積極 極力證明自己實力
無目的地努力 但一直毫無起息
話我不自量力 我會成功除非有奇蹟
我堅信 我奮鬥會搵到出口
我堅守 我用口唱出小宇宙
喺街頭 到有公司 再到一無所有
我揸緊拳頭為咗今生無悔 繼續走
十年有幾個 挫折有幾多 我挨過
由New Hope到Justice Is What I Rap For
即使結果 我失敗咗
到你問我 有冇Rap錯
我會答你我從來冇後悔Rap過
Chorus
那怕去追 追趕這差距
那怕後退 即使會失去
那怕面對 不須記憂慮
乘風去
跌倒再起步 跨步再上路
走過失敗嘅路 穿過失望嘅霧
我睇到唔系句號 系一條起飛嘅跑道
我不停步 喺跑道將青春盡情消耗
即管笑我發夢 笑我痴人說夢
冇人認同 笑我好夢會成空
今日嘅失敗 系明日嘅成功
只要相信夢 就一定會升空
