《無出脫的人》是八青哥演唱歌曲。
基本介紹
- 中文名：無出脫的人
- 歌曲原唱：八青哥
- 填詞：Yolo
- 譜曲：Yolo
歌詞
猶原希望呀望 原來是夢呀夢
iû-guân hi-bāng--iah-bāng guân-lâi sī bāng--iah-bāng
愛我一生平凡 我哪會甘願
ài guá it-sing pîng-huân guá ná-ē kam-guān
親愛的請你著原諒我
tshin-ài--ê tshiánn-lí tio̍h guân-liōng guá
歹勢啦 阮又閣予你煩惱矣
pháinn-sè--lah gún iū-koh hōo-li huân-ló--ah
阮又閣予你失望矣
gún iū-koh hōo-li sit-bōng--ah
閣一遍蹧躂你的期待
koh tsı̍t-piàn tsau-that lí ê kî-thāi
歹勢啦 生活充滿著無奈
pháinn-sè--lah sing-ua̍h tshiong-buán--tio̍h bô-nāi
凡勢你委屈在心內 毋捌講出來
huān-sè lí uí-khut tsāi sim-lāi m̄-bat kóng--tshut-lâi
看日子一工一工過去 有偌無彩
khuànn ji̍t-tsí tsi̍t-kang-tsi̍t-kang kuè-khì ū guā bô-tshái
今日又期待明仔載
kim-ji̍t iū kî-thāi miâ-á-tsài
暗時毋甘困 早時毋敢起床
àm-sî m̄-kam khùn tsái-sî m̂-kánn khí-tshn̂g
驚又閣仝款的一工
kiann iū-koh kâng-khuán ê tsi̍t-kang
猶原希望呀望 敢講是夢呀夢
iû-guân hi-bāng--iah-bāng kám-kóng sī bāng--iah-bāng
成功雖然遙遠 我也會努力
sîng-kong sui-liân iâu-uán guá iá-ē lóo-li̍k
只有目屎含咧 笑予人看
tsí-ū ba̍k-sái kâm--leh tshiò hōo-lâng khuànn
猶原希望呀望 原來是夢呀夢
iû-guân hi-bāng--iah-bāng guân-lâi sī bāng--iah-bāng
愛我一生平凡 我哪會甘願
ài guá it-sing pîng-huân guá ná-ē kam-guān
親愛的請你著原諒我
tshin-ài--ê tshiánn-lí tio̍h guân-liōng guá
無出脫的人
bô tshut-thuat ê lâng
Verse2
歹勢啦 我從來毋是乖囡仔
pháinn-sè--lah guá tsiông-lâi m̄-sī kuai-gín--á
阮總是古意又頇顢
gún tsóng-sī kóo-ì iū han-bān
跤步較重 也一步步行
kha-pōo khah-tāng iā tsı̍t-pōo-pōo kiânn
就算到尾來 攏無彩工
tiō-sǹg kàu-bué--lâi lóng bô-tshái-kang
我也會家己承擔 啊～
guá iā-ē ka-kī sîng-tam ah
只有閣相信家己一擺
tsí-ū koh siong-sìn ka-tī tsı̍t-pái
我毋敢向望 也毋甘你等待我
guá m̄-kánn ǹg-bāng iā m̄-kam lí tán-thāi guá
我心愛的人
guá sim-ài ê lâng
